Jop ka Khliehriat West FC wa ka Dhana SC ha ka Super Division yong ka EJHDFA

Khliehriat: Ha ka yalehke Super Division ka East Jaiñtia Hills District Football Association (EJHDFA) kawa sdang nadooh ka 9 tarik uni u bnai, ynne ka sngi ka Khliehriat West FC da jop ko ya ka Rymbai Pohskur SC lyngba ka kool wa da thap da u Maldini Nongtdu ha ha ka minit kawa 38.

Ha ka yalehke wa ar won da pynman hapyrdi ka Sutnga SSCC pyrchah ya ka Dhana SC.

Ha kani ka yalehke ka Dhana SC da jop ko ya ka Sutnga SSCC lyngba ki le kool heiwa da thap da u Apphira Sumer lyngba ka Penalty ha ka minit kawa 63, ka kool wa ar da thap bakla (Own Goal) pyn da uwa yalehke (Defender) yong ka Sutnga, u Sanki Nongtdu ha ka minit kawa 71 wei ya ka kool wa le da thap da u Shot Swer ha ka minit kawa 82.

Ya ka chi kool yong ka Sutnga SSCC da thap bakla (Own Goal) da uwa yalehke yong ka Dhana SC u Marlin Sumer ha ka minit kawa 55, ka yalehke man ko kawa yoosuk, hanlada pynthud u slap, wei wa ktieh ka madan yalehke.