Jop ka Khliehtyrshi United waka Mynkrem United ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrshi.

Ha ka yalehke wa nyngkong, ka Khliehtyrshi United da jop ko da 2-0 ya ka Iawthymblein SC da ki kool wa thap da u Rup Ryngkhlem ha ka minit wa 34 wa u Wandame Ryngkhlem ha ka minit wa 64.

Ha ka yalehke wa ar, ka Mynkrem United da jop ko da 1-0 ya ka Madan Synrang da ka kool wa thap da u Dalamsarki Lapasam ha ka minit wa 2.

Ka yalehke wa le da kut ko da 0-0 hapyrdi ka Maya Club Wajiajer pyrchah ya ka Mynsngat Madan Ball SC.