Jowai: Ha ka 1st T20 Cricket (Tennis Ball) Tournament 2018 wa pynman da ka Chiruplang Sports & Socio-Cultural Club, Jowai, ynne ka sngi da pynman ya artylli ki yalehke.
Ha ka yalehke wa nyngkong hapyrdi ka Khliehtyrshi waka Lion, ka Khliehtyrshi da booh thong ko 157 Run deiwa dooh ya 7 tylli ki Wicket na ki 20 tylli ki Over.
Neiliang ka Khliehtyrshi kiwa kamai boon Run toh u Success Rymbai uwa yoh 58 Run wa u Khimti Dkhar uwa yoh 23 Run.
Neiliang ki Bowler ka Lion kiwa yoh boon Wicket toh u Laso Shylla uwa pynhaap 3 tylli ki Wicket na ki 4 Over deiwa e u 28 Runs wei ya ki le tylli Wicket toh kiwa da yoh Hat trick u ha ka Over wa ar yong oo. U Sowaki dkhar leh da ioh u 3 wickets na ki 4 over wei da e u 27 Runs, u Kermiki Pasi da ioh chi Wicket wei da e u 5 Runs na ki 4 Over.
Ka Lion hawa beh ko ya ka thong da dooh lut ko ya ki Wicket ha ka Over wa 16 wei da kamai ko 100 Runs. Ki Batsman kiwa da leh bha na ka Lion toh u Donkupar Syngkrem uwa kamai 21 Run wa u Kermiki Pasi uwa kamai 15 Run.
Ki Bowler ka Khliehtyrshi wa yoh boon dooh ki Wicket toh u Evelene Challam uwa yoh 5 Wicket wei da e u 29 Runs na ki 4 Over wa u Khimti Dkhar uwa yoh 2 Wicket wei da e u du 2 Run na ki 2 Over.
Ha ka yalehke wa ar da pynman ha pyrdi ka Nakisaka pyrchah ya ka Smasher Duster wei i jop da lai ko cha ka Nakisaka kawa jop da 2 Wicket.
Ka Smasher Duster da Bat nyngkong ko wei da kamai ko 131 Run deiwa dooh ko 8 Wicket na ki 20 Over.
Ki Bowler ka Nakisaka kiwa da yoh boon Wicket toh u Wanbiang Jat uwa da yoh 3 Wicket wei da e u 15 Run na ki 4 Over wa u Sauni Patwet uwa da yoh 3 Wickets wei da e u 13 Run na ki 4 Over.
Hawa beh ya ka thong, ka Nakisaka da pynjop ha ka 19.3 Over deiwa yoh ko 135 Run.
Ki Batsman ka Nakisaka wa kamai boon toh u Tyngshain Lamin uwa da kamai 35 Run wa u Vernaroy Bamon uwa da kamai 28 Runs.
Ki Bowler kiwa da leh bha na ka Smasher Duster toh u Kune Latoo uwa yoh u 3 Wicket wei da e u 22 Run na ki 4 Over wa u Rachel Passah uwa da yoh 2 Wicket wei da e u 15 Run na ki 4 Over.
Discussion about this post