Jop ka Ladthadlaboh haka 1st Division, kut ka 2nd Division khlem em wa jop

Jowai: Haka yalehke 2^nd Division ka WJDSA kawa tip leh kam ka 3^rd Debo Shullai Memorial Trophy, ynne ka sngi da pynman yaka yalehke hapyrdi ka Nangbah Sports Association waka Pynthorlangtein. Kani ka yalehke da kut ko da 1-1, heiwa yaka Nangbah Sports Association da thap kool da u Mewan Dhar haka minit wa 54 katwa yaka Pynthorlangtein da thap kool da u Dany Wan haka minit wa 60. Haka 1^st Division won kawa tip leh kam ka 9^th Chatister Kharkongor Memorial Trophy, ka Ladthadlaboh da jop ko yaka Chilliang Raij da 4-0. Ya ki kool da thap da u Dowell Shylla haka minit wa 13 wa 22, u Heingaitmi Syngkon haka minit wa 33 wa u Simion Suchiang haka minit wa 38.