Ka Shillong Lajong da pynrem ko yaka Churchill Brothers da 2-0 haka I-League ynne kawa da pynman ha SSA Stadium, Shillong.
Da ini i jop, ka Lajong da ku ko chei wa le hei boon Point ha wah ka Sreenidi Deccan deiwa kheiñ yaka Goal Difference.
Ha ka kylla step, kiwa yalehke ka Lajong da wai ki boon ki laad yow thap kool iwa da pyndik ya kiwa yalehke ka Churchill kut i por wa toor ki chakhmat wei da yoh ki wow thap chwa u kut ka kylla step haka minit wa 45 lyngba u Laiwang Bohham.
Ha ka kylla miet leh ka Lajong ym em leh stiñ ko wei da pteiñ ko wow ban yaka Churchill wei da ye ki wow pyntam sa chi kool da ka Penalty wa chim da u Renan Paulino haka minit wa 51.
Ka Lajong da toh u pyntam chooh chooh ko tangwa ym ye ko wow pynkhih ya ka jaar kut ki laad wa yoh ko tangwa kani da man ko ka yalehke wa nyngkong wym em chah thap kool ko ha kani ka samoi.
Ka Lajong kattu u yachem ko waka Aizawl FC ha kani ka sngi Sunday ka 10 tarik heipor 2:00 waje i sngi ha SSA Stadium, Shillong hi.
Discussion about this post