Jop ka Lajong yaka Neroca da ki kool wa thap u Kynsaibor Lhuid

Ka Shillong Lajong FC da jop ko da 2-0 yaka Neroca FC ha ka yalehke I-League ynne ka sngi wa da pynman ha SSA Stadium, Shillong.

Da Lajong da pynyoo ko yei bor nadooh wa sdang tangwa ym ye ko wow pynkhih yaka jaar kut ki laad wa yoh ko wei da kut ka kylla step khlem em wa yoh u thap kool.

Ha ka kylla miet ym em pynsepai ki ya ki kabu wa da yoh ki wei da thap kool ki haka minit wa 52 lyngba u Kynsaibor Lhuid uwa da yalehke hei sien wa nyngkong haka I-League.

U Kynsaibor Lhuid da thap biang u sa chisien haka minit wa 61 uwa da chut yaka bol na lait ka Penalty Box kawa da lai sak chapoh kool.

Related posts

MSL 5: Ym ye ka Mawlai wow pynrem ya ka Laskein

April 28, 2026

Deiwa wan pyndait smat ya u Transformer yoh u wai ya ka Indoor Cricket Academy wa nyngkong dooh ka Meghalaya

April 28, 2026

Ka Lajong da yoh ko 3 Point na ini i jop yow ku chei wa san hei boon Point deiwa yoh 22 Point na 14 tylli ki yalehke.

Ka Lajong kattu daw yachem ko waka TRAU FC ha kani ka 25 tarik heipor 7:00 waje i miet ha Kalyani Stadium, Kolkata.