Khliehriat : Ka Lakadong Umlatdoh FC da jop ko da 3-0 pyrchah ya ka Moochut FC, Rymbai ha ka yakhun pre-quater final ynnin ka sngi chohthat ha ka lympung kawa tip kam ka “1st Umlyngsha Woh Kiang Nangbah Memorial Football Tournament 2016” kawa pyllai da ka Umlyngsha Youth Society & Sports Club, East Jaintia Hills ha Umlyngsha Playground, Umlyngsha Village.
Ka yakhun ha ka kylla step da man ko kawa yoosuk wei yathaiñ nadooh wa sdang hapyrdi kini ki dhab heiwa ka LUFC da yoh chwa ko u thap ya ka kool wa nyngkong lyngba u Boymiki Rymbai ha ka minit 19, bood biang sa ka chi kool ha chwa poi por yadih umsoh katæ ha ka minit 30+2.
Ha ka kylla miet won ka Mooshut FC da yakhun bha ko wow yoh u pynuiñ ya kitai ki kool tangwa da sepai ki kabu ksiar wa yoh ko kiwa kattu katni tylli katwa kamtæ neiliang ka Lakadong Umlatdoh FC da pyrchang biang ko u yaleh wow yoh u thap kool wei kani da man ko kawa sakhiat ha chwa u kut i por yalehke ha ka minit 60 lyngba u Wellyo Shadong, kamtæ ka Mooshut da maad ko yei naamrem ha khmat ka LUFC da 3-0.
Ka yakhun Quater u sdang ko ha ka 22 tarik uni bnai ha pyrdi HNYF FC Middle East, EJHD pyrchah ya ka Thunder FC heipor 2 waje nohchariñ ka sngi ha madan Umlyngsha.
Kani toh katkam ka khubor wa da pyllait da u N.L Talang Genl.Secretary UYSSC, East Jaiñtia Hills.
Discussion about this post