15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Advertisement ad1

Advertisement ad1

Ka Khim i Stat

0 Comments

Dang yong ka Lat-ap da ngiah O’u khai,

Yoh khreh yoh khrum wa em thaw u lai,

Da pyndep yei kaamram ha yung ha sem,

Da khooid da jngiar hadooh lait ha pchem.

 

Kam wa mih ki ranem ki phlang wa lung,

Kamtæ nga leh jlang mih O na yung,

Cha ka luti wa kyllaiñ wei jngai,

Wei ngiah wei jrem duk O’u lai.

 

Hawa yoo ya ki sim ki wa hær,

Kwah O’u yoh ya ki thawanær,

Yow smat u poi cheitæ i wa mut,

Wa hei man yong nga da rai kut,

 

Ka sngi u slap da duk u chah,

Wym yoh yungwasa u chong u sah,

Teiñkhat hawa wan ka æryong,

Ha tyndow ki deiñ u ksoh u spadong.

 

Ha ki riat ki chariñ u hiar u ku,

Hap phar yaki krem waki thlu,

Chah O ya ki chieh ki rasong,

Yaka met wa pyntakha tamong.

 

U baam wym yoh wei thngan wei jrah,

Yeitæ waroh hap duk O ki u chah,

Ki jhoor ki jhep ka dud ka doh,

Kini wymsma wym yei u yoh.

 

Hei riam hei bait hi kup hi dieñ,

Kylliang wym yoh neh kam sniehdieñ,

Wym tyrwa yei tæ i rong i rup,

La rim la jep hap deiñ hap kup,

 

Hawa takhooh waki wa yoh wa em,

Chiteiñ luti kam u chah khyllem,

U ku u lai jar jiar ka luti,

Duhai! U pait yei yong kiwi.

 

Ka Luti wa dap dei jingjar ki chieh ki rasat,

Toh ka luti u thooh ya i nang i stat,

Minot, u yaichah, toh i wa emkaam,

Yow poi i cha kliar i burom waka naam.

 

Share this:
Previous

Jop ka Lakadong Umlatdoh FC ha ka Kiang Nangbah Memorial Football Tournament

Next

Pynman ka seiñ Manbei ya ka Awareness Programme hajrong ka phang “Family Issues”