Jowai: Ka Lamyrsiang SCC da jop ko yaka Jalaphet Lumsashram SCSC da 2-1 ha ka Round wa khaddooh yong ka Saipung Block Sports Association (SBSA) Super League 2019. Ya kini ar kool ka Lamyrsiang da thap da u Fivekison Suja ha ka minit wa 38 wa 80. Katwa yaka Lumsashram won da thap kool da u Waldo Chyrmang ha ka minit wa 9.
Kani ka yalehke toh wow yanieh man kam ki Top 4 Team.
Haka janmiet won da em ka yalehke hapyrdi ka Tluh SCSC pyrchah yaka Pala SCSC heiwa ka Tluh da jop ko da 2-0. Ya kini ki kool da thap da u Nelson Kympat wa u Nico Dkhar.
Kam wow pynkynmoo wa ha ka Semi Final daw em ka 1st Leg wa 2nd Leg wei ki yalehke u man ki kamni ha wah:
1. Jalaphet Bri Sumer (1st Ranked) Vrs. Lamyrsiang SCC (4th Ranked).
2. Jarain SCSC (2nd Ranked) Vrs. Tluh SCSC (3rd Ranked).
Ya ka 1st Leg u pynman ha ka 19-10-19 heipor 11:30 i step wa haka 2:00 waje i sngi.
Discussion about this post