Jop ka Lapynshai wa u Rohan ya ka Miss wa Mr Cherry Blossom 2025

Kam chibynta ka tamasa Cherry Blossom Festival 2025 da pynman leh ya ka yakob miat kynthai wa bha chynrang heiwa ka Lapynshai Marak da jop ko yei naam Miss Cherry Blossom 2025 katwa u Rohan Pradhan da jop u yei naam Mr Cherry Blossom 2025.

Ha ka yong ki kynthai, ka Catherine Defini Diengdoh da yoh 1st Runner-Up ko katwa ka Na-i-Staphi Nola Lyngdoh da yoh 2nd Runner-Up ko.

Ha ka yong ki chynrang won, u Joel Desmond Nongrum da yoh 1st Runner-Up u wei da pynbood da u Abiezer Dan uwa da yoh 2nd Runner-Up.

Ya kani ka yakob da pynlai da ka Miss Meghalaya Organisation wei da wan wow bichaar da u Shyamanga Kashyap, Director ka Miss Assam wa Talent Scout ka Miss India; ka Akumnaro Imsong kawa da jooh man kam ka Miss Nagaland wei ka Co-Director ka Miss Assam; ka Aakriti Shen kawa jooh jop Miss Meghalaya wa Miss Shillong wa u Deibormi Lyngdoh uwa jooh man kam u Model wa uwa jop leh ya ka Mr Fresh Face Meghalaya ha u 2017 wa u Shillong Prince 2018.