Ka Low Level FT da rah ko yei naam jop ya ka 1st Lurshai Hynniewta 7-A-Side Knock Out Football Tournament 2021 wa da pynman da ka KSU Wapung Unit wei da pynkut ynnin ka sngi ha ka Madan Dong Moopyniein, Wapung Skur, Wapung.
Ka Low Level FT kawa na Wapung da pynrem ko da 3-1 ya ka Laibait FT kawa na chnong Rymbai.
Ya i naam Best Player da yoh da u Sanki Dkhar uwa yalehke yong ka Low Level FT katwa yei naam Best Goal Keeper da yoh rah da u Dathrang Sutong u yong ka Low Level.
Ha kani ka Final da man kongsan da u Phasmon Dkhar uwa man u MDC ka thaaiñ tangwa neidaw wym ye u kiar da phah bru u da uwi utæ u Betly Dkhar hei thaw yong oo, u symbood kongsan toh u Happy Rymbai wa u Streamly Suchen, wei da emlang nadooh u President ka KSU NEHU u Pynshai Kupar Dkhar, President ka KSU Lad Rymbai Unit u Donbok Mukhim, u Asst. Finance Secretary ka KSU Jaiñtia Hills District Unit, u Waheh Chnong ka chnong Wapung Skur u Satly Ryngkhlem, wei da emlang u Teibor Suchen uwa man u General Secretary ka JSU Central Body, u Damewanhi Rymbai wa kiwi kiwi.
Neiliang ka KSU Wapung Unit da e khublei ko ya waroh kamjooh leh ya u Francis Swer hanla wym yoh u emlang ha kani ka Final, heijooh i por e khublei leh ya kiwa kitkaam ka dong Moopyniein wa da e kyllooid mynsien ko ya ka madan yalehbol yoh pynman ya kani ka Tournament.