Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 5 tarik da ki ar tylli ki yalehke kiwa da pynman ha madan bol ka Umkiang.
Ha ka yalehke wa nyngkong, ka Lumshnong YWSC da yachem ko waka Chiehruphi SYWSC, heiwa ka Lumshnong da jop ko ya ka Chiehruphi da 1-0 da ka kool wa thap u Nelson Rymbai ha ka minit wa 16.
Ha ka yalehke wa bood kawa hapyrdi ka Kuliang FC waka Wahiajer Narpuh FC, ka Kuliang da jop ko da 2-1.
Ya ki kool ka Kuliang da thap da u Khongbuh ha ka minit wa 27 wa u John Laloo ha ka minit wa 51 katwa ya ka Wahiajer da thap kool da u Shanbor Mylliem ha ka minit wa 31.
