Jop ka Lumsliarsliar Mupliang, ka Iooski wa ka Mookaswan Dongnein ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da so tylli ki yalehke.

Ha ka yalehke wa nyngkong, ka Lumsliarsliar Mupliang da jop ko ya ka Y.S.W. Pynthorlangtein da 2-0 kiwa thap da u Spain Rymbai ha ka minit wa 38 wa u Sambha Sna ha ka minit wa 63.

Ha ka yalehke wa ar, ka Iooksi Y.S. SC da jop ko ya ka Lion SC Club da 3-0 kiwa thap da u Pyrkhat Paslein ha ka minit wa 24, u Wompher Tangliang ha ka minit wa 38 wa u Sammaia Sumer ha ka minit wa 60.

Related posts

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Deilang ka Fete, ka Housie, ka pynkhle nasib ha ka Final ka Tournament ka Moosianglamare New & Youth Welfare Organisation SC

July 5, 2026

Ka yalehke wa le da kut ko da 0-0 hapyrdi ka Tpep-Pale wa ka Saindur Mihmyntdu SC.

Ha ka yalehke wa soo, ka Mookaswan Dongnein SC da jop ko ya ka Loomiongkjam da 2-1. Ya ka Mookaswan Dongnein da thap da u Pyrkhat Shylla ha ka minit wa 13 wa u Lastborn Phawa ha ka minit wa 64 katwa ya ka Loomiongkjam da thap da u Emdor Lamar ha ka minit wa 39.