Jowai: Ynne ka sngi ha ka iakhun kynjet bol ha pyrdi ka Luti Tuber Ialong wa ka Panaliar ha ka kyrdan 1st Division da jop ka Luti Tuber deiwa ye ko u thap 4 kol ha ki minit wa 7 da thap da u Steward Dhar, ha ka minit wa 40+1 da thap ia ka kol wa ar da u Daphi E Burom Dhar da ioh biang u thap sa chisien ha ka minit wa 73, u Become Pale da thap ia ka kol u ha ka minit ka wa 62.
Ka Panaliar da ye ko u su kylla ar tyllli don hi ki kol na ka kjat iong u Dari Thma ha ka minit wa 15 wa na ka kjat iong u Deimonphi Shullai ha ka minit wa 60.
Ka ialehke ha pyrdi kini ki artylli ki kynhun man ko kawa yoosuk u pietke neidaw wa man ko ka ialehke wa iathain bha han lada ioh ka Luti Tuber u thap 4 kol.
Ha ka 3rd Division ha ka ialeh man ko ha pyrdi ka Mooralong wa ka Chyrmang heiwa ka Mooralong da jop ko da 2-0. Ia ka kol wa nyngkong da thap da u Iaraplang Lyngdoh ha ka minit wa 19. Ia ka kol wa ar wan da thap da u Noobin Sayoo ha ka minit 35+1.
Da ini i jop ka Mooralong ynne ka sngi da ioh ko u psiah cha ka semifinal.
Discussion about this post