Ka lympung yalehbol ka Sports & Games Committee ka Panaliar, Jowai kawa tip kam ka 4th 7-A-Side Football Knockout Tournament, da poi ko cha wakut ynnin ka sngi ha madanbol ka Panaliar wa em harood ka MCH Hospital Jowai.
Ka yakhun Final wa da pynman toh hapyrdi ka Madan Seiñ Raij Ialong pyrchah yaka Ia Tyllilang FC.
Ha kani ka sngi u Waheh Chnong ka Panaliar, u Riquoma Rq. Laloo da man u kam u kongsan wei ya ka yalang da pynlai da u General Secretary ka Panaliar, u Careme Phawa wei ya ki kyntien khublei da e da u Secretary ka Committee, u Deini M. Challam hei emlang u Chairman ka Committee, u Owaker Paswet.
Ka yalehke Final da man ko kawa yoosuk bha heiwa waroh ar liang da yakhun ki wow jop wei hawa kut da yoh ka Madan Seiñ Raij Ialong u pynkhih ya ka jaar kool da u Nangtei Mulieh yow pynjop da 1-0.
Ha kani ka lympung da em 14 tylli ki dhab wa chimbynta kawa da sdang nadooh ka 30 tarik u Naichiphaw.
Ka Madan Seiñ Raij Ialong kam ka Champion da yoh ko yaka song poisa wa Rs. 70,000 katwa ka Ia Tyllilang FC won da yoh ko Rs. 30,000.
Heijooh i por da e ya i naam Man of the Match wa da yoh da u Niwanroi Mulieh na ka Madan Seiñ Raij Ialong katwa i naam Best Goalkeeper da yoh da u Dominic Dhar na ka Ia Tyllilang FC.
Discussion about this post