Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.
Ha ka yalehke wa nyngkong, ka Madan Thadmuthlong da jop ko ya ka Mulang Ialong da 2-0 da ki kool wa thap u Precious Tang ha ka minit wa 4 wa 39.
Ka yalehke wa ar da kut ko da 1-1 hapyrdi ka Maitchaphrang Mootyrchiah waka Ksehsylle Ialong heiwa ya ka Maitchaphrang Mootyrchiah da thap da u Sanborlang Tang haka minit wa 12 katwa ya ka Ksehsylle Ialong da thap da u Teimiki Lyngdoh ha ka minit wa 29.
Ka yalehke wa khaddooh da kut ko da 0-0 hapyrdi ka Lumkhangdong Kyndong Tuber waka Lumchyrmang Mihmyntdu.
Mynstep ka 6 tarik daw em biang le tylli ki yalehke kiwa daw sdang daka Myrjai waka Moodymmai heipor 11:00 waje i step, ka Khliehchnong Ialong pyrchah ya ka Royal Pole Mihmyntdu heipor 1:00 waje i sngi iwa daw pynkut da ka yalehke hapyrdi ka Tympang waka Mukhla Umlangshor heipor 3:00 waje noh chariñ ka sngi.
