Ka Umiam Eagles da dooh ko yei laad wow psiah Final ka Senior Men Challengers Cup ka Meghalaya Cricket Association hadien wa jop ka Symper Panthers da 99 Run ynne ha Shillong.
Ka Symper da kamai ko 246/7 na 50 Over tangwa ka Umiam da haap lut ki Wicket ko deiwa yoh 147 Run.
Ka Eagles emkaam ko yow jop yow psiah Final katwa ka Panthers won kwah ko wow jop donhi hadien wa da rem ki ha waroh kiwi ki le tylli ki yalehke yong ki.
Ka Symper da jop ko ya ka kylla khlem heiwa u Captain Kishan Lyngdoh da jied u wow Bat nyngkong. Da yah u nakhmat deiwa kamai 102 na 123 bol deiwa dat leh 9 tylli ki 4 Run wa kawi ka 6 Run. Da yoh lok u wa u Swarajeet Das uwa da kamai 80 (10x4s) heiwa deilang da kamai ki 159.
Ya ka Umiam da kamai bha u Raj Biswa 30 wa u Bamanbha Shangpliang 20.
Na kiwa kwang bol da lehbha u Babloo Passah (3/16), u Bijon Dey (4/29) wa u Himan Phukan (3/17).
U Kishan Lyngdoh da yoh u leh yei naam Player-of-the-match wei da man u leh uwa da boon dooh wa kamai Run deiwa yoh 181.
Mynstep daw pynkut lut ya ki yalehke wa dang sah hapyrdi ka Simsang Sharks waka Nokrek Tigers.
