Jop ka Madur, Mynsngat ha 2nd Division |Ka Pohskur Phyllongingkhaw wa Mukhla Raij ha Super Division

Ka 2nd Division ka Thadlaskein Sport Association (TSA) kawa tip leh kam ka Joybell Suiam Memorial Football League da pteiñ ya ka ynne deiwa pynman ar tylli ki yalehke wei da pynbood ar tylli won ki yalehke Super Division.

Ha ka yalehke wa nyngkong ka 2nd Division, ka Madur SC da jop ko ya ka United FC Ummulong da 2-1. Ya ka Madur da thap da u Wanbait Phawa ha ka minit wa 7 wa u H. Pala (Own Goal). Ya ka Ummulong da thap da u Dimalel Siangshai ha ka minit wa 33.

Ha ka yalehke wa ar, ka Ryntih FC Mynsngat da jop ko ya ka Dreaming FC Mupliang FC da 3-0 da ki kool wa thap u Bakwin Siangshai ha ka minit wa 7 wa 60 wa u Betki Pyrtuh ha ka minit wa 27.

Ha ka Kseilroy Pala Memorial Super Division, ka Pohskur Phyllongingkhaw da jop ko ya ka Grounded FC da 4-0 da ki kool wa thap u Maidong Mukhim ha ka minit wa 15 wa ka Hat-Trick na u Jendeng Mukhim uwa da thap ha ka minit wa 20, 35 wa 37.

Ha ka yalehke wa ar, ka Mukhla Raij da jop ko ya ka Mookyndur SC da 6-1. Ya ka Mukhla Raij da thap da u Welcome Sari ha ka minit wa 5 wa 48, u David Iawphniaw ha ka minit wa 22 wa ka Hat-Trick ha na u Chandame Suna ha ka minit wa 46, 50 wa 63 katwa ya ka Mookyndur da thap da u Jomsing Pariat ha ka minit wa 27.

Ki yalehke wa bood u pynman ha kani ka 11 tarik:

Joybell Suiam Memorial 2nd Division

Iawpynsin SC vrs Madur (10:00 AM)

Nongkhroh Sohbar Vrs Laru (12:00 PM)