Ampati: Ka Rangsakona Invitational Football Tournament, 2017 da poi ko chawa kut ha kani ka 25 tarik ha ka Final kawa yakhun hapyrdi ka Druma Sandruma wa ka Maram FC, kiwa man kiwa waroh ar na Tura, heiwa ka Maram FC da jop ko da 1-0.
Ha kani ka lympung da yaleh hadooh 19 tylli ki yalehke, wei wei kani ka lympung da neh ko hadooh ar tayaw wei da poi hadooh 12 tylli ki dhab na ri-loom Garo wei soo tylli won da khut sñiawbha kiwa kynthup ya ka Navajyoti Club, Guwahati, Langsning Sports Club, Shillong, United FC, Goalpara Assam wa ka Shillong Lajong Juniors FC kiwa da yakhun ha ki Quarter Final.
Ha ka sngi khaddooh heiwa da wan sakhi da palat 3000 ngut ki bru, u montri ka Sports & Youth Affairs u Zenith Sangma kam u kongsan da ong u ka Football wanrah ko ya ki bru kylleiñ ha kawi donhi ka rynsan wei kiwa yalehke leh yoh myntoi bha ki na ki.
Da yooluti u leh wa ki khynnah khynroo ka thaiñ u yoh myntoi bha ki kam na kani ka lympung wei wa ka sorkar jylla leh yaleh bha ko wow pynchlur ya kam kini kiwa yalehke yow pynpliah ki yei sap yong ki.
Heijooh i por leh da pyntip u wa hapoh ka Mission Football da em ka Coaches’ Clinic heiwa daw pynman ya ka esikai ha ka 4 wa 5 tarik ha Tura District Auditorium ya ki coach na kylleiñ ka ri-loom Garo.
Ha kani ka sngi da em leh u W.D. Sangma, Parliamentary Secretary, Ashahel D. Shira, Chairperson, State Development Reforms Commission, Bluebell R. Sangma, Chairperson, GHADC, Sadhiyarani M. Sangma, u Montri warim u Billykid A. Sangma, South West Garo Hills Deputy Commissioner, Cyril V.D. Diengdoh, Addl. Director, Sports & Youth Affairs, J.P.Marak, u Vice President ka Meghalaya Football Association, Gino A. Sangma wa kiwi kiwi.
Discussion about this post