Ki yalehke ynne ka 10 tarik ha ka lympung Cricket ka Seiñraij Niamtre Ummulong kawa tip kam ka Ram Sing Lamare Cricket Tournament Cup 2021 da pynman hapyrdi ka Mawryngkneng pyrchah ya ka Dreams 11 katwa ka Chiruplang da yachem ko ya ka Lumwalieh Warrior.
Ha kini ki yakhun ki yaleh da man ki kiwi yoosuk bha heiwa waroh ki liang da yaleh bha ki wow pynyoo ya i sap yong ki wei hawa kut ka Chiruplang da jop ko da 19 Run katwa ka Mawryngkneng da jop ko da 12 Run.
Uwa boon dooh wa kamai Run toh u Johnnes Passah uwa da yoh 52 Run na ka Chiruplang katwa naka Mawryngkneng uwa kamai Run boon dooh toh u Nongshai Nongpluh uwa da yoh 51 Run.
Kiwa kawang bol wa ye u pynhaap boon Wicket dooh toh u Rishan Suting 3 naka Chiruplang katwa u Wankitlang Nongpluh na ka Mawryngkneng da pynhaap u 3 Wicket.
Ka bynta wa nyngkong yong ka lympung da dakut ko ynne ka sngi wei ya ka bynta wa ar chwa wow pynman ya ka daw pyntip cha ki paidbah.
