Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ka ynne da ka yalehke hapyrdi ka MeECL waka MLP (DEF) Police heipor 10:30 i step.
Ha kani ka yalehke, ka MeECL da jop ko da 3-1.
Ka MeECL da yoh ko wow thap kool nyngkong ha ka minit wa 8 lyngba u Pearlygreen Khriemujat kawa da neh hadooh wa kut ka kylla step.
Ha ka kylla miet ka MLP da yoh ko wow su chi kool lyngba u Everstarly Rynjah ha ka minit wa 51 tangwa ka MeECL da pyntam biang ko da chi kool da kawa thap bakla (Own Goal) da uwa yalehke ka MLP u Heavenly Lamare ha ka minit wa 64 heiwa ha ka minit wa 74 u Pearlygreen Khriemujat da yoh u wow thap sa chi kool yow pynyoh yei jop.
