Jop ka Meghalaya ya ka Manipur haka Women’s U-23 T20 League

Shillong: Ka Meghalaya ynne da jop ko haka Women’s U-23 T20 League da soo Wicket deiwa sah sa du ar bol pyrchah ya ka Manipur wa pynman ha Kochi.

Ini i jop da man ko leh ka sien wa nyngkong ha kani ka Tournament ya ka Meghalaya wei da wan ko leh ha ka sngi Meghalaya Day.

Ka Meghalaya da jop ko ya ka kylla khlem wei da jied ko wow phah Bat nyngkong ya ka Manipur kawa da kamai 103/6 na ki 20 Over.

Kiwa da leh bha kiwa kawang bol ka Meghalaya toh ka Debasmita Dutta kawa na ki 4 Over da yoh ko 2/2, ka Daiaka Warjri 1/22, ka S. Jaba 1/22 waka Hajong 1/23.

Related posts

MSL 5: Hanla rem leh dang neh ka Shkenshynriah hei wa ar

May 16, 2026

Rah ka Khimusniang ya ka 1st Wailadmiki Shylla Veterans Football Tournament deilang ka song poisa wa Rs.1.50 lak

May 16, 2026

Hawa kdong yei thong wow jop, ka Dutta toh kawa da kamai boon Run dooh da 39 Run na ki 33 tylli ki bol wa ka L Tamang kawa da yarap 19 Run yow poi ka Meghalaya 105/6 na ki 19.4 Over.

Ka Meghalaya kattu u yachem ko waka Uttar Pradesh haka 23 tarik uni u bnai.