Shillong: Ka chi kool na u Kynsaibor Lhuid da pynjop ko ya ka Meghalaya pyrchah ya ka Mizoram wei da ini i jop da em ko ha khlieh dooh ka Group A ha ka yalehke ka Santosh Trophy National Championship North East Qualifiers.
Ka Mizoram da poi Semi Final ko ha ki ar snem wa da dep wei do yoh ko yei naaam Champion 2014, ini man ko iwa da e mynsien ya u Coach u Khlain Pyrkhat Syiemlieh wa kiwa yalehke ka Meghalaya kiwa da yahkhmat da Captain u Brolington Warlarpih, kiwa da ye u pynrem ya ka Mizoram pyn ha ka chnong yong ki ha Aizawl ynnin ka sngi.
Du ki Team wa em ha khlieh dooh ki Group yong ki u ye ki wow lai cha khmat (Final Round) heiwa ka Meghalaya da yoh nyngkong naka Group A deiwa jop ki ar sien deiwa pynrem chwa ya ka Tripura da 3-0. Ka Mizoram leh da pynrem ko ya ka Tripura da 3-0, iwa pynman ya ka yakhun wa emkaam u jop yow ye u lai cha khmat.
U Lhuid da thap kool u ha ka minit wa 30 lynga ka Free-Kick wei ka Mizoram ym de yw ko wow su kylliang ha ki 60 minit wa sah.
Ym toh wa ym em pyrchang ki heiwa u PC Lalmuansanga, MS Dawngliana wa u Lalromawia waroh le da yohlaad ki wow thap kool tang ym ye ki u pynkut deiwa biang.
Discussion about this post