15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Jop ka Meghalaya yaka Manipur haka U-23 Women’s One-Day Trophy

0 Comments
Advertisement ad1
Advertisement ad1
Advertisement ad1

Shillong: Ki kynthai ka Meghalaya da jop biang ki haka yalehke wa ya thain bha pyrchah yaka Manipur haka U-23 Women’s One-Day Trophy, deiwa jop ki da 2 Wicket wei sah sa chiphaw bol ha Cuttack ynne ka sngi.

Hawa kdong yaka 200/4 ka Manipur, ka Meghalaya da yoh ko 202/8 na 48.2 Over. Ini da wan ko hadien wa jop ki da chi Wicket yaka Arunachal Pradesh haka 11 tarik.

Ynne ka Manipur da jop ko yaka kylla khlem wei da jied ko wow Bat nyngkong heiwa da dooh smat ko ya ki arngut haka Ajima Sangma, tangwa da ye ki wow pynpoi 200 Run da i lehbha ka L Rajkumar (79 Not out) waka Kalpana (69). Ka Sangma da yoh ko sa kawi ka Wicket yow pynkut da 3/35, katwa ka Solina Jaba da yoh ko chi Wicket haka Over wa khaddooh, deiwa pynhaap yaka Kalpana.

Ka Meghalaya da dooh smat ko ya le tylli ki Wicket hawa sdang ko u Bat tangwa ka 74 Run naka 71 bol na ka Luiza Tamang (9 tylli ki 4 Run wa kawi ka 6 Run) da yarap ko yaka Meghalaya wow lait na i rem. Da yoh yarap leh na kiwa Bat cha tre heiwa ka Shruti Kumari da yoh ko 20, ka Razia Ahmed 28, Sangma 13 waka Jaba 24 (Not out) na 20 bol, kiwa da pynpoi thong yaka Meghalaya.

Ha kawi tawon ka yalehke, ka Meghalaya da emkaam ko sa 22 Run deiwa em sa 5 Wicket ha kti yow jop yaka Arunachal Pradesh haka U-23 Col CK Nayudu Trophy wa pynman ha Mangaldai, Assam.

Deiwa pteiñ na 92/4 haka Innings wa nyngkong yow kdong ya iwa kamai ka Arunachal iwa 153 Run, ka Meghalaya da haap lut ki Wicket ko da 118 Run, iwa duna da 35 Run.

Tangwa u Anish Charak da lehbha u da ka bol yow yoh 5/24 yow pynhaap lut ki Wicket ka Arunachal da 94 Run haka Innings wa ar. Kiwi de kiwa yoh Wicket toh u Adarsh Joshi 3/7 wa u Akash Kumar Choudhary 2/24.

Kamtæ ka Meghalaya da emkaam ko 130 Run yow jop heiwa da yahkhmat u Kishan Lyngdoh uwa da kamai 73 Run na ki 74 bol yow pynpoi yaka Meghalaya cha 108/5 wei dang bat u Roshan Warbah (13 not out) wa u Joshi (10 not out) hadooh wa kut chwa ka yalehke.

Share this:
Previous

Sdang chait ki 3 ngut ki nong India wa yoh ya u COVID-19 ha ka Diamond Princess

Next

Thoh ka JSU cha u Amit Shah yow chimkhia yei psiah laitlan ki nong Bangladesh ha ki thaaiñ khappood