Jop ka Meghalaya yaka Nagaland haka Santosh Trophy North East Zonal Qualifier

Shillong: Ka Meghalaya da jop ko da 6-1 yaka Nagaland haka yalehke Group B ka Santosh Trophy North East Zonal Qualifier kawa pynman ha Agartala ynne ka sngi.

Ka yalehke ka Meghalaya wa nyngkong pyrchah Railways kawa toh u pynman haka 23 tarik kawa da dep da hap pyndam ka neidaw wa ym em poi ka dhab ka Railways.

Ynne, u Allen Lyngdoh Nongbri wa u Phrangki Buam da thap ki mar ar kool, katwa u Ronaldkydon L Nonglait wa u Figo Syndai da thap ki mar chi kool.

Ka Meghalaya kattu u yachem ko waka Manipur ha kani ka 27 tarik. Ka yalehke hapyrdi ka Manipur waka Nagaland haka 23 tarik da kut ko da 0-0.