Ka Miss Thailand ka Opal Suchata Chuangsri da jop ko yei naam Miss World 2025 kawa da pynman ynne ha Hyderabad, India.
Deiwa jop yei naam Miss World da yoh ko leh ya ka song poisa kawa Rs. 8.5 klur wei da pyndeiñ pangsnget ya ka da ka Kyrstyna Pyszkova kawa man kam ka Miss World warim.
Ka Suchata toh kawa da kha ha Phuket, Thailand da yoh ko yei jop deiwa stat wow e yei jubab yow jop ya ka Hasset Dereje Admassu kawa na Ethopia kawa da yoh yei naam First Runner-Up, yei naam Second Runner-Up da yoh ka Maja Klajda kawa na Poland katwa yei naam Third Runner-Up da yoh ka Aurelie Joachim kawa na Martinique.
Waroh kiwa chimbynta da em ki 108 ngut wei da jied nyngkong ya ki Top-10 na ki soo tylli ki Dawbah (Continent) hadien won da jied ya ki Top-5 na kini ki jooh ki Dawbah.
Hadien won da jied ya mar ar ngut na kawi ka Dawbah yow psiah ki cha ka Top-8 heiwa ka Miss Philippines wa Miss Thailand da yoh nyngkong ki na ka Asia.
Kiwa chah jied katkam ka Continent man ki kamni:
Americas & Carribean: Brazil, Martinique
Africa: Ethiopia, Namibia
Europe: Poland, Ukraine
Asia & Oceania: Philippines, Thailand
Ka Miss World ha uni u snem da man ko ka sien wa ar wa da pynman ka ha India heiwa nyngkong da pynman ha Mumbai.
Discussion about this post