Ka Moodymmai Cricket Club da jop ko da 2 Wicket ya ka Umshangiar Sports Club ynne ka sngi ha ka Open to All Cricket Tournament 2023 wa pynman da ka West Jaiñtia Hills District Cricket Association Jowai ha Madan Khliehtyrshi Mini Stadium.
Ya ka kylla-khlem da jop da ka Umshangiar Sports Club heiwa da jied ko u Bat nyngkong wei da ye ko wow kamai 184 Run na ki 27.3 Over deiwa dooh lut waroh ki Wicket deiwa lehbha u Kunemiki Lato 34 Run na 21 bol, u Dauru Lato 33 Run na 28 bol wa u Dathrang Pariat 29 Run na 29 bol. Neiliang ka Moodymmai kiwa da yoh Wicket toh u Ribok Hynniewta 4 tylli na ki 6.2 Over wa u Daowan Passah 2 Wicket na ki 5 Over.
Hawa beh ya ka thong, ka Moodymmai Cricket Club da jop ko deiwa yoh 189 Run ha ka 33 Over deiwa dooh ki 8 Wicket heiwa da kamai boon u Heimonlang Lyngdoh 29 Run na 47 bol, u Levester Phawa 21 Run na 24 bol, katwa na kiwa kawang bol ka Umshangiar won da lehbha u Ebormi Laloo uwa da yoh 4 Wicket na ki 7 Over, u Heiyoo Ryngkhlem 2 Wicket na 6 Over wa u Teilang War 2 Wicket na ki 7 Over.
Yei naam Man of the Match da yoh da u Ribok Hynniewta yong ka Moodymmai Cricket Club.
