theme-sticky-logo-alt
theme-logo-alt
Advertisement ad1

Jop ka Moodymmai waka Mowkaiaw ha ka Maitshaphrang Khasi League T20 Cricket Tournament

Ka KSU da pynman ko ya ka Maitshaphrang Khasi League T20 Cricket Tournament 2021-2022 kawa da sdang nadooh ka 2 tarik ha Polo Cricket Ground, Shillong heiwa ki yalehke da pteiñ ya ki hadooh ynnin ka 4 tarik kiwa man kamni ha wah:

Ha ka 3 tarik da pynman ar tylli ki yalehke kitæ hapyrdi ka Moodymmai CB waka Mawsynram SC.

Ka Mawsynram da jop ko ya ka kylla khlem wei da jied ko wow kawang bol nyngkong heiwa ka Moodymmai da kamai ko da 150/9 na ki 18 Over (hap wow pynduna Over) deiwa kamai u Daowan Passah 35 Run na 28 bol wa u Nehlang Pariat 24 Run na ki 14 bol. Na kiwa kawang bol, u Dispenly Syiemlieh da yoh u 3/31 na 4 Over wa u Sando Pasang 3/30 na ki 4 Over.

Ka Mawsynram da ka Bat da ye ko wow kamai 103/9 yow pynjop ya ka Moodymmai da 47 Run.

Kiwa kawang bol ka Moodymmai wa leh bha toh u Daowan Passah uwa da yoh 4/17 na ki 3 Over wa u Teimiki Passah uwa yoh 2/7 na ki 3 Over.

Yei naam Man of the Match da yoh u Daowan Passah.

Ha ka yalehke wa bood hapyrdi ka Marram CC waka Madan Sports Cultural Club heiwa ka Madan Sports da jop ko da 8 Wicket. Ka Maram hawa Bat nyngkong da kamai ko 79/9 na ki 20 Over iwa da ye ka Madan Sports wow kdong deiwa yoh 84/2 na ki 8.4 Over.

Yei naam Man of the Match da yoh u Sylvester Mylliempdah naka Madan Sports uwa da kamai 28 na ki 25 bol wei da yoh u leh 2 Wicket.

Ha ka 4 tarik da pynman biang ar tylli ki yalehke heiwa nyngkong da pynman hapyrdi ka Langsning CC waka Friends United kawa da jop da ka Langsning da 8 Wicket.

Ka Friends hawa Bat nyngkong da yoh ko 68/9 na ki 14 Over iwa da ye ka Langsning wow tam deiwa yoh 71/2 ha ka Over wa 8.

Yei naam Man of the Match da yoh u Dathew Syngkon na ka Langsning uwa da yoh 44 Run na 26 bol wei da yoh u leh 1 Wicket.

Ha ka yalehke wa bood da pynman hapyrdi ka United Brothers waka 4-Mowkaiaw United heiwa ka Mowkaiaw da jop ko da 8 Wicket.

Ka United Brothers da jop ko ya ka kylla khlem wei da jied ko wow Bat nyngkong heiwa da ye ko wow kamai 128/3 na ki 20 Over deiwa yoh u Poilangson Thawmait 42 Run na 28 bol wa u Dateilang Wankhar uwa da yoh 29 Run na 18 bol. Katwa uwa kawang bol wa lehbha toh u Todanson uwa da yoh 1/21 na ki 4 Over.

Ka Mowkaiaw hawa kdong thong da yoh ko 129/ na ki 18 Over deiwa kamai u Kitboklang Lyngdoh 50 Run na ki 48 bol uwa da yoh leh yei naam Man of the Match.

Share this:
Previous

Chem ki pulit yei metyap ka khynnah kynthai wa wiar hadien wa wan thoh Exam

Next

Du 9 ngut kiwa dang yoh ha Meghalaya