Jop ka Mookaswan Dongnein wa Lumchyrmang Mihmyntdu ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da ar tylli ki yalehke.

Ha ka yalehke wa nyngkong, ka Mookaswan Dongnein SC da jop ko ya ka Chyrmang Wah SC da 8-0 da ki kool wa thap u Shain Shylla ha ka minit wa 10 wa 20, u Bormi Shylla ha ka minit wa 18, u Ksaid Shylla ha ka minit wa 21, u Patrick Ryngkhlem ha ka minit wa 32, u Raja Shylla ha ka minit wa 45, u Jarki Dkhar ha ka minit wa 56 wa u Pyrkhat Shylla ha ka minit wa 65.

Ha ka yalehke wa ar, ka Lumchyrmang Mihmyntdu da jop ko ya ka Khliehshnong Ialong da 3-1. Ya ka Lumchyrmang Mihmyntdu da thap da u Lutmon Chyrmang ha ka minit wa 26, u Sooki Chyrmang ha ka minit wa 44 wa u Ebok Chyrmang ha ka minit wa 52 katwa ya ka Khliehshnong Ialong da thap da u Iahluti Dhar ha ka minit wa 69.

Related posts

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Deilang ka Fete, ka Housie, ka pynkhle nasib ha ka Final ka Tournament ka Moosianglamare New & Youth Welfare Organisation SC

July 5, 2026