Jop ka Mookaswan Dongwah wa Nonglatem ha ka 3rd Division, ka Dongmihsngi ha ka 2nd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pteiñ ka ynne ka sngi da le tylli ki yalehke deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ha ka yalehke wa nyngkong ka 3^rd Division, ka Mookaswan Dongwah SC da jop ko ya ka Mooknor Nangbah SC da 1-0 lyngba ka kool wa thap u Teimi O Ryngkhlem ha ka minit wa 68.

Ka yalehke wa ar da kut ko da 1-1 hapyrdi ka Da I Hi Mynsngat wa ka Lumpariat. Ya ka Da I Hi Mynsngat da thap da u Banker Muksor ha ka minit wa 34 katwa ya ka Lumpariat da thap da u Hababiang Syngkon ha ka minit wa 55.

Related posts

Yoh takma ksiar ka Sheetal Devi ha ka Para World Archery Championship

September 27, 2025

Jop ka Lelad, ka Evanylla wa ka Jarain ha ka 1st Division ka SBSA

September 27, 2025

Ha ka yalehke wa le, ka SCSC Nonglatem da jop ko ya ka Sohmynting Dongnein da 2-1. Ya ka Nonglatem da thap da u Budlang Mukhim ha ka minit wa 26 wa u Kynsai Bhoi ha ka minit wa 55 katwa ya ka Sohmynting Dongnein da thap da u Chemi Lyngdoh ha ka minit wa 31.

Ha ka 2^nd Division da jop ka Dongmihsnhi ya ka Mupliang da 2-0 kiwa thap da u Lal Rin Kima Nangpui ha ka minit wa 61 wa u August Surong ha ka minit wa 80+2.