Jop ka Thadmusem wa ka Laru ha ka 2nd Division, ka Heiboriong I ha ka Super Division ka TSA

Ki yalehke ka Thadlaskeiñ Sport Association (TSA) da pteiñ ki ynne da ar tylli ki yalehke 2^nd Division wa kawi ka Super Division.

Ha ka yalehke wa nyngkong ka 2^nd Division, ka Thadmusem da jop ko ya ka Lad Mukhla da 3-0 da ki kool wa thap u Kamni Dkhar ha ka minit wa 10 wa u Tony Dkhar ha ka mint wa 27 wa 68.

Ha ka yalehke wa ar, ka Laru FC da jop ko ya ka Modop Nartiang da 2-1. Ya ka Laru da thap da u Bahnah Suting ha ka minit wa 61 wa u Rowelson Langshiang ha ka minit wa 67 katwa ya ka Modop Nartiang da thap da u Fredy Khynriam ha ka minit wa 6.

Ha ka Super Division da jop ka Heiboriong Iong I FC ya ka Mookyndur SC da 2-1. Ya ka Heiboriong Iong I da thap da u Bayahun Tariang ha ka minit wa 11 wa u Emlang Shadap ha ka minit wa 58 katwa ya ka Mookyndur da thap da u Careful Suting ha ka minit wa 35.  

Related posts

Ym tikna lada yoh u pait Live ya ka FIFA World Cup ha India

April 10, 2026

U sdang ka Meghalaya State League 2026 da ka yalehke hapyrdi ka Khimusniang wa ka Nongkseh

April 8, 2026

Ki yalehke mynstep:

2nd Division

Thadmynri Vrs Lumkynsaw (10AM)

Maskut Vrs Namdong A (12PM)

Super Division

Mukhla Raij Vrs Nongkhroh Rim (3PM)