theme-sticky-logo-alt
theme-logo-alt

Jop ka Mukhla, Pasyih waka Nonglatem haka 3rd Division ka WJDSA

Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA da pteiñ biang ya ka ynne ka sngi da ki le tylli ki yalehke.

Ha ka yalehke wa nyngkong, ka Risingsun Mukhla da jop ko ya ka Lumbhahdakha Wahiajer da 2-0 lyngba ki kool wa thap da u Wadshwa Rymbai ha ka minit wa 60 wa u Rimi Pyrtuh haka minit wa 73.

Ha ka yalehke wa ar, ka Pasyih Cultural and Sports Club da jop ko ya ka Nangbah Mooknor da 5-1. Ya ki kool ka Pasyih Cultural and Sports Club da thap da u Hammyllien Dkhar haka minit wa 25, u Sakhiatmi Siangshai ha ka minit wa 30, u Shaniah Dkhar haka minit wa 63, u Deiwi Rymbai haka minit wa 69 wa u Sambud Dkhar haka minit wa 80.

Ya ka Nangbah Mooknor da thap da u Rilangki Susngi haka minit wa 54.

Ha ka yalehke wa khaddooh, ka Nonglatem da jop ko ya ka Mookyrdup da 2-0 da ki kool wa thap u Tomi Lamare haka minit wa 7 wa 49.

Ki yalehke u pteiñ biang ha ka 11 tarik hapyrdi ka Maitshaphrang Mootyrshiah waka Pateinki Sabah heipor 11:00 waje i step, pynbood sa ka Madankynsaw Mookyndeng waka Mupliang heipor 1:00 waje i sngi iwa pynbood won saka Madan Thadmuthlong waka Tpep Pale heipor 3:00 waje i sngi.

Share this:
Previous

Sdang ka T10 Cricket Tournament ka LSAYA dei jop ya ka We Sport

Next

Phooh phieñ ka Chaad Sukra ka Seiñraij Mihmyntdu