Jop ka Mukhla Sohshrieh waka Mynkrem United ha ka Senior Football League ka TSA

Ka Senior Football League wa pynman da ka Thadlaskein Sports Association (TSA) da pteiñ biang ya ka ynne da le tylli ki yalehke ha madanbol ka Khliehtyrchi.

Ha ka yalehke wa nyngkong hapyrdi ka United XI Moodymmai pyrchah yaka Nongkhroh Krem Kum da kut ko da 1-1. Ya ka kool ka United XI Moodymmai da thap da u Solomon Chullai haka minit wa 29 katwa ya ka kool yong ka Nongkhroh Krem Kum da thap da u Tanglangki Khmah haka minit wa 50.

Ha ka yalehke wa ar, ka Mukhla Sohshrieh da jop ko yaka Iawthymbleiñ da 3-1. Ya ka Mukhla Sohshrieh da thap kool da u Spot Sari ha ki minit wa 16 wa 46 wa u Anikis Suna haka minit wa 63 katwa yaka Iawthymbleiñ da thap da u Luckystar Sari.

Ha ka yalehke wa le ka Mynkrem United da jop ko yaka Lumphyrnai Sohphoh da 1-0 da ka kool wa thap da u Diamonson Khynriam haka minit wa 52.

Related posts

Yoh ka Pipilmoris Wanniang wow man kam ka Category 5 National Football Referee

July 21, 2026

Pynrem ka Sindhu ya ka World Champion wow rah ya ka Japan Open

July 19, 2026