Jop ka Mulang wa New Hill ha ka 2nd Division ka WJDSA

Ka 8th Debo Shullai Memorial Trophy kawa man leh kam ka 2nd Division Football Tournament 2025 ka West Jaintia District Sport Association (WJDSA) da pteiñ ya ka ynne da ar tylli ki yalehke.

Ha ka yalehke wa nyngkong, ka Mulang Ialong da jop ko ya ka Panaliar da 2-0 kiwa thap da u Richard Dhar ha ka minit wa 61 wa u Nidaroi Mulieh ha ka minit wa 80+4.

Ha ka yalehke wa ar, ka Loomsooiung New Hill da jop ko ya ka NSA da 9-0 heiwa da yoh Hat-Trick da u Banteilang Shylla uwa da thap kool ha ka minit wa 4, 10 wa 18, u Pynshai Lathong ha ka minit wa 7, u Lastborn Suting ha ka minit wa 25 wa 40, u Iohi Chyrmang ha ka minit wa 54, u Simeon Suchiang ha ka minit wa 56 wa u Kyrkhu Ryngkhlem ha ka minit wa 80+1.

Related posts

MSL-5: Jop ka Rymbai Shkenshynriah ya ka Jalaphet Moochut Pyrdung

April 17, 2026

MSL-5: Phra tylli ki yalehke wa da pynman ynne ka sngi

April 16, 2026