Jop ka Mynso waka Pateinki Sabah haka Independence Day Cup ka WJDSA

Jowai: Ka Independence Day Cup Under-16 Football Tournament wa pynman da ka WJDSA kawa sdang ynnin ka sngi, ynne ka sngi da pteiñ ya ka da ki ar tylli ki yalehke.

Haka yalehke wa nyngkong, ka Mynso Blazon da yachem ko waka Khliehiongriang heiwa ka Mynso da jop ko da 3-1.

Yaka Mynso Blazon da thap kool da u Profess Myrchiang haka minit wa 45, u Sorsa- I- O Syntem haka minit wa 47 wa u Hao Manbha Passah haka minit wa 53.

Yaka Khliehiongriang da thap da u Mebantei Dkhar haka minit wa 35.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Haka yalehke wa bood, ka Pateinki Sabah da jop ko yaka Khimusniang da 2-1.

Yaka Pateinki Sabah da thap kool da u Eric Shylla haka minit wa 47 wa u Deiyoomiki Shylla haka minit wa 58.

Yaka Khimusniang won da thap da u Samkupar Passah haka minit wa 31.

Mynstep, ki yalehke u man ki hapyrdi ka Pythorlangtein YW pyrchah ya ka Wahiajer heipor 2 waje i sngi pynbood won saka Mookymphad pyrchah ya ka Lumpariat.