Jop ka Myntoilang wa ka Tyllilang ha ka 2nd Division, ka Pohskur Phyllongingkhaw ha ka Super Division ka TSA

Ki yalehke 2^nd Division wa Super Division ka Thadlaskein Sport Association (TSA) da pteiñ ki ynne ka sngi.

Ha ka 2^nd Division kawa tip leh kam ka Joybell Suiam 2nd Division Memorial Football Torunament, da pynman ar tylli ki yalehke heiwa ka Myntoilang I  Bamkamar da jop ko ya ka Mukhla Veteran da 3-1.

Ya ka Myntoilang da thap da u Somiyo Mukhim ha ka minit wa 19, u Samuel Challam ha ka minit wa 35 wa u Damian Nongrum ha ka minit wa 72 katwa ya ka Mukhla Veteran da thap da u Kitkhia Suna ha ka minit wa 4.

Ha ka yalehke wa ar, ka Tyllilang I Moobakhon da jop ko ya ka Mukhla Mission da 3-1.

Related posts

Jop ka Ummulong ha ka yalehke wa sdang ka District Cricket League 2026 ka WJHDCA

February 23, 2026

Pdengshakap Football Tournament: Jop ka One Soul Utd Pdengkarong wa ka Rilum Hynniew Trep FC

February 22, 2026

Ya ka Tyllilang da thap da u Dashaniah Rymbai ha ka minit wa 13 wa 34 wa u Treles Ramut ha ka minit wa 56 katwa ya ka Mukhla Mission da thap da u Winchester Tang ha ka minit wa 72.

Ha ka Super Division wa tip leh kam ka Kesilroy Pala Super Division Football League, ka Pohskur Phyllongingkhaw da jop ko ya ka Heibor Iong I FC da 4-1.

Ya ka Pohskur Phyllongingkhaw da yoh Hat-Trick u Saibor Nongrum uwa da thap ha ka minit wa 39, 80 wa 90+5 wa u Jendeng Mukhim ha ka minit wa 90+4 katwa ya ka Heibor Iong I da thap u Kyntulang Dkhar ha ka minit wa 10.

Ki yaleh mynstep ha ka 2^nd Division u pynman hapyrdi ka Thadmynri wa ka Hunlang FC Moobakhon (1:00 PM) katwa ha ka Super Division won u pynman hapyrdi ka Mukhla Raij wa ka Niriang (3:00PM).