Jop ka Nagaland ya ka Meghalaya da 57 Run ha ka CK Nayudu Trophy

Shillong: Ka Nagaland da jop ko da 57 Run ya ka Meghalaya ha ka sngi wa le ka U-23 Col. CK Nayudu Trophy ha ka Group Match wa pynman ynne ka sngi ha ka madan ka Meghalaya Cricket Association.

Ka Meghalaya emkaam ko 160 Runs yow jop wei da pteiñ ko yeiwa ieh ko ynnin da 52/4 wow kdong ya ka thong 212 Run wa da booh da ka Nagaland yow jop.

Hawa kdong ya ka thong kiwa boon ki Batsmen ka Meghalaya da sdang bha ki tangwa ym em neh slem ki heiwa kiwa sah ki 6 Wicket da haap lut ki pyn hei step ka yalehke heiwa ka Meghalaya da ye ko u kamai 154 naka 212 yow jop.

U P. Rohit da man u uwa kamai boon Run dooh deiwa yoh, 31 Run ya ka Meghalaya wei oo wa u Tiwari da ye ki wow kamai lang 37 Run ya ka Wicket wa 6 tangwa u Tiwari da haap u hadien wa kamai u 14 Run.

U Captain ka Meghalaya u Akash Kumar da kamai u 30 Run cha tre tangwa ym yoh lok de u hadien wa ka Nagaland pynhaap ma pynhaap ko ya ki Wicket ka Meghalaya.

Related posts

Khlem em wa jop hap hapyrdi ka 7 Wasa wa ka Mooknor Thadmuthlong

November 29, 2025

Psiah Final sa ka Kur Suchen ha ka 31st Gold Cup Knockout Football Tournament

November 28, 2025

Uwa kawang bol ka Nagaland uwa da leh bha toh u Shubham uwa da yoh 5/43.

Ka Meghalaya U-23 kattu won u lai ko cha Dehradun wow yachem waka Uttarakhand nadooh ka 22 tarik uni u bnai.