Ka 13th Chatister Kharkongor Memorial Trophy kawa man leh ka 1st Division Football Tournament 2025 ka West Jaiñtia District Sports Association (WJDSA) da pteiñ ka ynne ka sngi.
Ha ka yalehke wa da pynman, ka Nangbah Iawmusiang da jop ko ya ka Khliehiongriang SC da 2-1.
Ya ka Nangbah Iawmusiang da thap da u Pdianglang Sutnga ha ka minit wa 15 wa u Bantei Lamare ha ka minit wa 84 katwa ya ka Khliehiongriang da thap da u Meru Suchen ha ka minit wa 50.
Ka yalehke 1st Division mynstep u man ko hapyrdi ka Nangbah Dukhu wa ka Madanthadmuthlong heipor 2:00 waje i sngi.
Discussion about this post