Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex deiwa pyndep ya ka yalehke Semi Final wa ar.
Ha ka yalehke wa da pynman, ka Nongdawah SC da jop ko ya ka Nangbah Mulang da 3-2 yow yoh u psiah Final.
ADVERTISEMENT
Ya ka Nongdawah da thap da u Iaidlang Syiemlieh ha ka minit wa 3, u Shano Tariang ha ka minit wa 52 wa u Banshan Mynsong ha ka minit wa 65 katwa ya ka Nangbah Mulang da thap da u Auspicious Pamthied ha ka minit wa 21 wa u Banshanlang Sutnga ha ka minit wa 80+1.
Yei naam Man of the Match da yoh da u Chandmitre Thma na ka Nongdawah.
Kamtæ ya ka Final daw pynman ha ka 08-01-25 hapyrdi ka Jalalpang SC wa Nongdawah SC heipor 1:00 waje i sngi.
Discussion about this post