Kam chibynta i lehkmen ka Government Girls’ Higher Secondary School Jowai yei dap 50 snem i lai luti yong ka hei wow e i stat i tip, ynne ka sngi da pynman ko sa da ka lympung yalehbol Inter School Futsal Knockout Tournament 2025 ha madan Futsal wa em ha Khimusniang, Jowai heiwa da wan wow chimbynta kamwa 10 tylli ki skur waphær waphær ka West Jaiñtia Hills District.
Ha kani ka yalehke, ka Dr. Waisa Sumer, District School Education Officer, WJH da wan ko wow emlang kam ka kongsan wa u T.S. Bamon waheh chnong ka Khimusniang kam u symbood kongsan.
Ka yalehke da pynman du chisngi donhi wei ki skur wa poi cha ka yakhun Final ha kani ka sngi toh ka North Liberty Higher Secondary School Jowai pyrchah yaka JNV Mukhla.
Yei naam jop da yoh rah da ka North Liberty deiwa pynrem da 4-0 ya ka JNV Mukhla.
Ka North Liberty kam kawa jop da yoh rah haroh ko ya ka song poisa wa Rs. 10,000 katwa ka JNV Mukhla won da yoh ko Rs. 7000.
Discussion about this post