Ka State Level Inter School Subroto Mukherjee Cup Football Tournament 2025 ka Meghalaya dapoi ko cha wakut ynnin ka sngi ha Shillong deiwa em ar tylli ki skur na West Jaiñtia Hills wa psiah Final.
Ha ka U-15 Boys, ka Mawtneng U.P. & Secondary School, Ri-Bhoi da jop ko ya ka Govt. Boys’ Higher Secondary School, West Jaintia Hills da 5-4 deiwa yachut Penalty.
Ha ka U-17 Girls, ka Nongjri Presbyterian Higher Secondary School, Ri-Bhoi da jop ko da 2-1 ya ka Tyrsad Higher Secondary School, East Khasi Hills.
Ha U-17 Boys, ka North Liberty Higher Secondary School, West Jaiñtia Hills da jop ki da 1-0 ha ka Extra Time pyrchah ya ka Nongjri Presbyterian Higher Secondary School, Ri-Bhoi.
Ya kini ki yakhun Final da wan wow sakhi da u Charles Marngar, MLA Mawhati Constituency, u Hamletson Dohling, President ka Meghalaya Football Association, u John Kharshiing, Working President, Meghalaya State Olympic Association, u PB War Nongbri, Assistant Director, Directorate of Sports and Youth Affairs deilang wa kiwi de.
Ha kani ka sngi da pynkup burom leh ya u Lamat O Laloo kam chibynta i chakri u la 25 snem kam u Match Commissioner.
Neiliang u MLA ka Jowai, u Wailadmiki Shylla da pynbna u wa kamwa da kular u wow e yarap cha kiwa jop napoh ka West Jaiñtia Hills, u e yarap u Rs. 1 lak cha ka North Liberty yow lai yakhun ko ha ka National Level Subroto Mukherjee Cup.
Discussion about this post