Ynnin ka sngi da pynman ya ka yalehke Final Cricket kam chibynta yong ka lympung yalehke ka Inter Office Sports Tournament 2026 ya kawa da pynlai da ka Meghalaya State Government Employees Federation, Jaiñtia Hills Unit.
Ha ka yalehke Final, ka Office Combine- DC, Agriculture and Water Resources Department da jop ko ya ka AH & Veterinary Department da 13 Run.
Ya ka kylla-khlem da jop da ka AH & Veterinary Department wei da jied ko wow bol nyngkong, heiwa ka Office Combine-DC, Agriculture and Water Resources Department da ye ko u kamai 167/10 na ki 19.4 Over, heiwa uwa kamai Run boon dooh toh u Heimon Lyngdoh uwa da yoh 83 Run wa u Sanki Pakyntein 34 Run katwa neiliang kiwa kawang bol ka AH & Veterinary Department, u Damewanchwa Suchiang da yoh u 4 Wicket.
Hawa kdong ya ka thong, ka AH & Veterinary Department da poi ko 154 Run na ki 19.4 Over deiwa dooh lut waroh ki Wicket, heiwa uwa kamai Run boon dooh toh u Deibormi Rangad uwa yoh 49 Run, katwa na kiwa kawang bol ka Office Combine, u Firstbornson Dkhar da yoh u 3 Wicket wa u Heimon Lyngdoh uwa da yoh 2 Wicket.
Yei naam Man of the Match ha kani ka yalehke Final da yoh u Heimon Lyngdoh katwa yei naam Man of the Tournament da yoh u Heimon Lyngdoh hi.
Discussion about this post