Ka 8th U Kiang Nangbah Memorial Inter Office Football Tournament 2021 kawa da pynman da ka Meghalaya State Government Employees’ Federation, Jaiñtia Unit ha Kiang Nangbah Stadium, Jowai da pteiñ ya ka ynne da ka yalehke hapyrdi ka 3rd MLPBN waka PHE heipor 10:30 i step.
Ha kani ka yakhun, ka PHE da jop suk ko ya ka 3rd MLPBN da 6-1.
ADVERTISEMENT
Ka PHE ha ka kylla step da yoh ko wow thap 3 kool ha ka minit wa 5, 26 wa 29 kiwa thap da u E. Lyngdoh.
Ha ka kylla miet ka PHE da thap ko sa 3 kool katwa ya ka chi kool ka 3rd MLPBN da thap bakla (Own Goal) da uwa yalehke ka PHE hi u R. Challam. Kiwa de kiwa thap kool ya ka PHE toh u T. Ryngkhlem, u E. Phawa wa u S. Bareh.
