Jop ka phlim u Pradip Kurbah yei naam Best Film wa Best Director ha Moscow International Film Festival

Uwa chna phlim wa pawnaam ka Meghalaya, u Pradip Kurbah da jop ka phlim wa thymme u kawa tip kam ka  ‘Ha Lyngkha Bneng’ yei naam Best Asian Film wa Best Director ha ka 47th Moscow International Film Festival, iwa man i sien wa nyngkong ka phlim napoh India wa na North East wa da jop yeini ha kani ka lympung pynyoo phlim.

U Pradip Kurbah hawa pynsñiaw yei sñiawngooh, da ong u wa ini da man kamwa man sakhiat iwa yimphoo wei da e khublei u leh ya kiwa pynman ya kani ka lympung pynyoo phlim wa da e rynsan ki wow khana yeini i parom na ki loom ki wah ka Meghalaya cha ka pyrthai.

Kani ka phlim toh kawa da riñ da chna hapoh Meghalaya wei da yoh yaroh ko yei stat u Pradip u khana parom wei wow pynwandur ka.

U Pradip da ong u wa kani ka khusnaam wa jop u ymtoh du ya oo samen tangwa ya waroh kiwa embynta wow chna ya kani ka phlim nadooh kiwa ak, kiwa riñ wa waroh kiwa emkti wow pynman ka hadooh kamwa man ko.

Related posts

Da kyrriah tarik ya ka sngi pynman Fete wa pynkhle Lucky Draw ka Dorbar Chnong Wahsarang

November 4, 2025

Ka Result Lucky Draw ka Rymbai Presbyterian Lower & Upper Primary School

November 3, 2025

Da ong u leh wa kani man ko ya ki bru ka Meghalaya kiwa e mynsien ya oo wow pynmih ya kam kani ka parom wei kani ka khusnaam leh man ko neibynta ki bru ka jylla.

Ya kani ka phlim da pynyoo pyrthai nyngkong namo ka World Premiere ha ka 23 tarik uni u bnai ha kani hi ka Moscow International Film Festival.