Jowai: Haka yalehke 2nd Division ka WJDSA kawa tip leh kam ka 3rd Debo Shullai Memorial Trophy, ynne ka sngi da pynman ka yalehke hapyrdi ka Phramer waka Khliehmynkrem.
Ha kani ka yalehke, ka Phramer da jop ko yaka Khliehmynkrem da 2-1.
Yaka Khliehmynkrem da thap kool da u Bormi Shylla haka minit wa 9.
Yaka Phramer da thap da u Jandra Nongrum haka minit wa 49 wa u Arjuna Suchiang haka minit wa 61.
Haka 1st Division won kawa tip leh kam ka 9th Chatister Kharkongor Memorial Trophy.
Ka Sohmynting da jop ko yaka Lumpariat da 7-1.
Yaka Sohmynting da thap kool da u Lastborn Suting haka minit wa 3, 55 wa 87, u Jomeing Pariat haka minit wa 26, u Teibor Syntem (OG) haka minit wa 31 wa u Blessing Pamthied haka minit wa 66 wa 77.
Yaka Lumpariat da thap kool da u Memon Sukhlain haka minit wa 5.
Discussion about this post