Ka yung krehkaam u DSO, West Jaiñtia Hills ynne ka sngi kam chibynta wow lehkmen ya ka International Women’s Day 2023, da pynman ko ya ka yakob yataan tylle kawa kyrpang du neibynta ki kynthai donhi kawa da pynman ha Kiang Nangbah Stadium, Jowai heiwa u kongsan da man da u DSO hi, u K. Passah.
Kiwa chimbynta toh na ki skur wa em hapoh ka District wa ki Sports Club kam ka West Jaiñtia Judo Association, ka 7 Wasa United, ka Catholic Youth Sports Club, Mihmyntdu waka Women’s Dongmihsngi Sports Club.
Ki skur wa da chimbynta toh ka R.C. Evening Secondary School, Mihmyntdu Upper Primary, Lower Primary waka Secondary School, ka Q.C. Springside Higher Secondary School waka HK Singh Memorial School.
Na kini kiwa da poi Final toh ka Q.C. Springside waka HK Singh heiwa da jop da ka Q.C. Springside kawa da yoh rah leh ya ka song poisa kawa T. 10,000 katwa ka HK Singh da yoh ko T. 5000.
