Ka Rangkynsai da jop ko ynne ya ka yakhun Final yong ka lympung yalehke Cricket kawa tip kam ka 1st (L) Micky Shullai T20 Cricket Tournament 2022 wa da pynlai da ka Lumsooiung Sport Club, Ummulong ha Mini Stadium, Ummulong West Jaiñtia Hills.
Ha ka yakhun Final ynne ka sngi hapyrdi ka Rangkynsai waka Elite XI heipor 11:00 waje i sngi ka Rangkynsai da jop ko da 58 Run (waroh arliang toh kiwa na Shillong).
Ya ka kylla khlem da jop da ka Elite XI wei da jied ko u kawang bol chwa heiwa ka Rangkynsai da kamai ko 238 Run naki 20 Over, u Jaskirat Singh da kamai u 66 Run naki 34 bol wa u Kishan Lyngdoh 42 Run naki 20 bol, neiliang ka Elite u Yogesh Tiwari da yoh u 2 Wicket deiwa e 36 Run naki 4 Over.
Hawa kdong won ya ka thong, ka Elite XI da ye ko u yoh 180 Run na ki 19.3 Over, deiwa dooh ko waroh ki Wicket, heiwa u Anish Charak da ye u yoh 48 Run na ki 18 bol wa u Yogesh Tiwari 44 Run na ki 17 bol. Neiliang ka Rangkynsai, u Kishan Lyngdoh da yoh u 3 Wicket na ki 2 Over katwa u Rohit Rai da yoh u 2 Wicket na ki 1.3 Over.
Ya i naam Man of the Match da yoh da u Kishan Lyngdoh yong ka Rangkynsai heiwa da yoh u 40 Run na ki 20 bol wa 3 Wicket deiwa e 10 run na ki 2 Over.
I naam Man of the Tournament won da yoh da u Rohit Rai yong ka Rangkynsai.
U kongsan ynne ka sngi toh u Treibor Suchen uwa man kam u General Secretary ka JSU.
