Ka lympung yalehbol ka Elaka Narpuh Sports Association (ENSA) kawa tip kam ka ‘Elaka Narpuh Football Tournament Champions 2021′ da pteiñ biang ya ka ynne ka 9 tarik da ki ar tylli ki yalehke ha madan bol ka Umkiang.
Ha ka yalehke wa nyngkong da pynman hapyrdi ka Ratacherra Lumtrom waka Chiehruphi SYWSC A, heiwa ha kani ka yalehke ka Ratacherra Lumtrom da jop ko da 3-1 ya ka Chiehruphi SYWSC A.
Ya ki kool ka Ratacherra Lumtrom da thap da u Dame Pajat (OG 39 min), u Grately Mylliemngap (48 min) wa u Khiejoit Manar (60 min) katwa ya ka Chiehruphi da thap kool da u Bretmeki Nongtdu (5 min).
Ha ka yalehke wa bood da pynman hapyrdi ka Lejri Sport Club waka Lum Myrli, heiwa ka Lejri da jop ko da 1-0 lyngba ka kool wa thap da u Tngen Suliang (46 min).
