Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex da ka yalehke wa san kani ka lympung yalehbol.
Ha ka yalehke wa da pynman, ka Red Mark FC da jop ko ya ka Mukhla Wahchnong da 4-2.
Ya ka Red Mark da yoh thap da u Sngiwan Pynsuk Kurbah ha ka minit wa 33 wa 38, u Wansiewdor Nengnong ha ka minit wa 40, u Angelus Biam ha ka minit wa 73 katwa ya ka Mukhla Wahchnong da yoh thap da u Chandame Suna ha ka minit wa 53 wa u Riben Talang ha ka minit wa 80+1.
Yei naam Man of the Match da yoh rah da u Wansiewdor Nengnong uwa yalehke ka Red Mark FC.
Ka yakhun wa bood u man ko ha kani ka 16 tarik hapyrdi ka Friend United waka Monjurlang FC heipor 2:30 i sngi.
Discussion about this post