Ka St. Anthony’s HSS na East Khasi Hills, ka Iewrynghep SS na East Khasi Hills waka Roman Catholic Evening SS na West Jaiñtia Hills da jop ki ya jar jiar ki yalehke Final yong ki ha ka State Level Subroto Cup Football Tournament kawa da pynman ha Sports Authority of India Centre ha NEHU, Shillong ynne ka sngi.
Ha ka U-14 Boys, ka Roman Catholic Evening SS da jop ko ya ka New Nongstoin SS (West Khasi Hills) da 4-3 deiwa yachut Penalty.
Ha ka U-17 Girls, ka Iewrynghep SS da jop ko ya ka Sati Raja Memorial SS (Ri-Bhoi) da 2-1.
Ha ka U-17 Boys, ka St Anthony’s HSS da jop ko ya ka Sib Sing Memorial HSS (West Khasi Hills) da 1-0.
Ha ka U-14 Boys, u Idamayalang Pyrtuh naka Roman Catholic Evening SS da yoh u yei naam Best Goalkeeper katwa u Richanmi-O Lyngdoh naka jooh ka skur da yoh u yei naam Player of the Tournament.
Ka Ribansi Jamu naka Sati Raja Memorial SS da yoh ko yei naam Best Goalkeeper ha ka U-17 Girls katwa ka Makrisha Songthiang na Iewrynghep SS da yoh ko yei naam Player of the Tournament.
U Banshaibok Sohshang naka Sib Sing Memorial HSS da yoh u yei naam Best Goalkeeper ha ka U-17 Boys katwa u Chibaitki Pamthied naka St Anthony’s HSS da yoh u yei naam Player of the Tournament.
